كيف تستخرج تصريح سفر و عندك استدعاء من الجيش؟
 |
| تصريح سفر |
كتب مهندس / محمود كامل .
فى البداية
عايز اتكلم عن موضوع ما هو تصريح السفر ؟
هناك فرق بين الاذن و التصريح
الاذن للى مش دخل جيش لكن عليه جيش زى التأجيل
التصريح للى دخل الجيس و على قوة الاحتياط .
الشبان المستحقين للإذن بالسفر للخارج من إدارة التجنيد والتعبئة أو مناطق التجنيد والتعبئة
- المؤجل تجنيدهم للدراسة بالخارج.
- المستثنون مؤقتاً من أداء الخدمة العسكرية.
- الحاصلون على إعفاء مؤقت.
- الموضوعين تحت الطلب لمدة ثلاث سنوات.
- الذين أدوا الخدمة العسكرية ولم تنته مدة خدمتهم بالإحتياط.
- الطلبة الدارسين داخل أرض الوطن والمؤجل تجنيدهم أثناء أجازة نصف العام ونهاية العام عدا طلبة السنوات النهائية وطبقاً للتعليمات
هتدخل الموقع ده ، و بعدين تملأ البيانات التى يطلبها منك كما هو موضح بالاسفل ، خلى بالك لو أديت الخدمة أختار أدي الخدمة و هكذا يعنى ،
و تدخل اللينك ده ⇐ اضغط هنا
تشوف موقفك و قالك ايه الموقع ، زى الصورة اللى تحت دى .
وفى مكاتب سيبر نت فى مدينتك هتلاقى ناس بطلع لك التصريح وانت وواقف
ومن جهه الاختام اللى بتكون فى التصريح ، متقلقش بيتم طبع الورقة اقصد التصؤيح بأختامه دى عبارة حاجة اسمها ديباجه للتصريح .
اما اذا قالك : ( لا مانع من استخراج تصريح بالاذن للسفر بعد تقديم المستندات التالية )
- عليك التوجه لمكتب التجنيد و التعبئة التابع له و ذلك لانهاء موقف تخلف الاستدعاء
زى الصورة اللى تحت دى
ثالثا : تروح لمكتب التجنيد و تروح للعسكرى اللى هناك هيقولك صورلى ورقة التحركات و الجواز و البطاقة و ياخد رقم و تاريخ الاستدعاء
و يقولك تعالى كمان 3 ايام
و على فكرة الموضوع ده مش ياخد من العسكرى 3 دقايق مش 3 ايام
رابعا : المفروض يكون حضر ليك الورق و هى عبارة عن 3 ورقات
الاولى عبارة عن محضر فيه سؤال و جواب هيكتبها العسكرى مع نفسة
التانية فيها امضاء ولى الامر و ممكن تمضى انت بداله بس تجيب صورة بطاقته
التالتة خاصة بشيخ البلد يوقع و يمضى عليها انك كنت مسافر وقت الاستدعاء
المهم بعد ما تاخد التلات ورقات و يمضى عليهم شيخ البلد و يديك صورة بطاقته و ولى الامر ( ممكن يبقى ابوك ، اخوك ، … )
يديك صورة بطافته هو كمان
خامسا : تاخد ال 3 ورقات + 2 صورة البطاقة لولى الامر و شيخ البلد تروح على العسكرى بتاع التجنيد اللى فى المركز
هيقولك روح وقعهم من مدير المركز قبل ما توقعهم من مأمور المركز فوق ( الدور التانى – مركز سوهاج )
هتروح تمضيهم من المأمور هيقولولك وقعهم من الاستاذ حمدى فى نفس الدور برضو
المهم وقعتهم من مأمور المركز
سادسا : انزل للعسكرى تانى اديلوا الورق هيقولك صورهم صوره ، هو هياخد الاصل و يقولك روح اختمهم من المدرية اللى فى سوهاج فى حته اسمها المحافظة .
تروح تختمهم من هناك ورقة ورقة و بعدها تانى يوم تروح مكتب التجنيد بأسيوط .
سابعا : تصحى بدى تروح اسيوط تكون فى اسيوط على الساعة 8 او 9 الصبح ( ان شاء الله )
تروح التجنيد فى مكان تصاريح السفر و بعد ما تدخل هناك هيقولك سلم تليفونك بصورة بطافتك و اشترى ملف ب 3 جنية و صورة بطاقتك
هتروح شباك ( فرع التعبئة ) على ايدك اليمين و انت و داخل التجنيد المهم هيقولك هات الورق بتاعك علشان الشطب
هياخد الورق اللى خلصتوا فى سوهاج و المختوم + شهادة التجركات + صورة شهادة الجيش + صورة البطافة بتاعتك
هيقولك استنى للساعة 12 او 1 الظهر
و بعد ما يخلص و يشطب تخلف الاستدعاء من الكمبيوتر هيديك ورقة الاصل منها للمركز بتاع سوهاج ، و الصورة تحتفظ بيها ليك للاحتياط
 |
| شطب استدعاء فرد احتياط |
بالورقة دى انت كده شطبت الاستدعاء و بعدها روح طلع تصريح السفر عادى من سوهاج او اسيوط او حتى الحلمية
لكن لو عايز تطلعها فى نفس اليوم من اسيوط خد من العسكرى اللى فى سوهاج بتاع المركز حاجة اسمها طلب ايضاح + 14 جند ( تقريبا اسمها كده )
أو
ممكن تروح حلمية الزيتون كمنطقة مركزية و تروح تدخل و تطلع تصريح السفر فى نفس اليوم و تدفع 60 جنية رسوم
هيكون شكلها كده
ملحوظة : الشطب من خلال اجهزة كمبيوتر القوات المسلحة بيتم شطبه اتوماتيكى من سجلات الموقع الالكترونى خلال 48 بعد تقديم طلب الشطب يعنى انتظر يومين منهم اليوم اللى روحت فيه و قدمت طلبك للتجنيد و اليوم ده محسوب يبقى فاضلك يوم كمان وبعدين اليوم اللى بعده طلع التصريح عادى .
 |
| تصريح سفر |
مع العلم أن مدة صلاحية التصريح 15 يوماً فقط
كدة مبرووووك عليك .
آخر تحديث :
حالياً يوجد استدعاء للدفعات التى مر على خروجها من الجيش عام و يأتى هذا الاستدعاء خلال الشهرين ( 10 ، 11 ) و الأكيد يأتى فى أواخر شهر 10 ثم يتم قضاء الاستدعاء فى شهر 11
حالياً يوجد استدعاء مدته 15 يوم من تاريخ 02 / 11 / 2019 وحتى 16 / 11 / 2019
للوافدين المستخرجين جديد من الجيش خلى بالك بيبقى فى استدعاءات بعد عام واحد من خروجك من الجيش .
انا خلصت جيش ودخلت معهد شرطة واترفت طبي منه بعد ١٠ايام وجيت اطلع التصريح سفر بقوللي انت لسه ع منظومة الشرطة وعايا اصل الرفض الطبي ومش مقنعين بيه اعمل ايه
روح لمعهد الشرطة اللى قدمت عليه وهات منهم طلب انك مش على المنظومة و اطلب منهم طلب موثق منهم لانك على السيستم موجود بمنظومة الشرطة
لابد تأتى بطلب مختوم من الشرطة باخلاء طرفك من الشرطة — و هذا حدث لأنك بالفعل موجود على سيستم الجيش أنك داخل الشرطة —
بعد ما شطبت الاستدعاء ينفع اعمل تصريح سفر اليكتزوني من الموقع
السلام عليكم ورحمة الله وبركاته
اخوى تقدر تستخرج تصريح سفر الكترونى بكل سهولة.. لكن تأكد ان سيستم الجيش قد شطب استدعاءك
شكرا
تقدر تدخل على الموق ده و تسجل فيه و تدفع المصاريف و تستخرجها من الموقع الإلكتروني
https://tagned.mod.gov.eg/TravelPermissionSearch.aspx
اتأكد ازي انها نزلت من على السيستم
عليكم السلام دلوقتي انا معايه جواب شطب الاستدعاء اعمل اي بعد كده وازي اتأكد أن الاستدعاء نزلت من على السيستم
وعليكم السلام ازي اعرف ان السيستم شطب الاستدعاء
الموضوع سهل جدا بعد مرور يومين من الشطب هتتشال من على السيستم اتوماتيك ما فيهم اليوم اللى اتشطبت فيه
بعد يومين بالظبط من الشطب بما فيهم يوم الشطب هتتشال اتوماتيك
روح المركز اللى انت تابع ليه .. فاكر أيام ما عملت التعبئة و انت فى الجيش هو ده المكان
صور الشطب صوره ليك واديهم الاصل علشان يمسحوا اسمك من السجلات اللى عندهم
و بس
الموضوع فى غاية البساطة
و خلى الورقة بتاعت الشطب كمان معاك … كضمان اقصد الصورة اللى صورتها بتاعت الشطب
شطبت الاستدعاء بس كل ما ادخل اعمل تصريح سفر يقولي ان عليا استدعاء فين المشكله
لو سمحت جالي استدعاء من 4سنين مرتين اعمل اي
بعد ما روحت منطقه التجنيد وشطبت الاستدعاء واخدت جواب الشطب دخالت على الموقع اطلع تصريح سفر قالي برضو عليك استدعاء مع العلم اني دخلت على الموقع بيومين بما فيهم اليوم الي شطبت فيه الاستدعاء اعمل اي
يبقى انتظر كمان يوم تانى
و لو مش اتمسح اتصل على منطقة تجنيدك خدمة العملاء و كلمهم يفعلوا الشطب
عادى جدا
اولا روح مكتب الجوزات و للهجرة فى العباسية القاهرة
و طلع حاجة اسمها شهادة تحركات بس باربع سنين لورا او بخمسة مش هتفرق
و بعدين هتخدها تانى يوم و تروح مكتب تجنيدك اللى فى محافظتك اللى سلمت فيه التعبئة ايام ما كنت بالجيش و تعمل الخطوات اللى موجودة فى المقال ده
خطوة خطوة و لاى استفسار ابعتلى رسالة هنا 009656607784 واتساب
يبقى لسة مش اتمسح من على السيستم
كلم خدمة العملاء بحلمية الزيتون و بلغهم بالكلام ده
رقمهم اهو 0226351195
ده رقم خدمة العملاء بحلمية الزيتون كلمهم
علشان يسرعوا الشطب
رقمهم اهو 0226351195
تصريح السفر بيطلع بكام يوم
تصريح السفر بيطلع فى نفس اليوم و كمان بعد نص ساعة و ده بيحصل فى المناطق المركزية زى حلمية الزيتون و الهايكستب و اسيوط اما فى حالة لو فى محافظتك مكان تجنيد و استخراج تصاريح سفر فيه و ده غالبا بتلاقيه فى مبنى مديرية الامن على حسب المحافظة بيقولك تعالى تانى يوم و هما و همتهم.
ا.محمودالانصاري بعد اذنك
يعنى المقولةدى يبقي عندى استدعي لاستفسار التجنيدى المسجل بالطلب غير مطابقك لموقفك التجنيدى
أنا مخلص الاحتياطي من السنة الي فاتت اعمل ايه
المقولة بتقول استفسارك التجنيدى المسجل بالطلب غير مطابق لموقفك التجنيدى .. صح كدة ؟
يبقى فى خطأ فى ادخال بياناتك على السيستم تروح المركز بتاعك و تاخد ورقة انك مخلص الاحتياطى و لست على زمة الجيش و تروح بيها لفرع تجنيدك الخاص بك و تحاول تصلح الخطأ ده .
ده ممكن العسكرى اللى قاعد على الكمبيوتر أخطأ فى ادخال بياناتك و ظهرت المشكلة دى .
بس لازم تروح المركز بتاعك اللى عملت فيه طلب التعبئة علشان يديك ورقة انك لست على زمة أى استدعاء تانى .
مع العلم انك قولت خلصت الاحتياطى بتاعك يعنى مش على زمة الجيش .
و المفروض اساسا تروح تطلع شهادة انك مش مطلوب لاى استدعاء و دى هتوفر عليك عدم عمل أى تصاريح سفر تانى .
طيب انا جالي ٢استدعاء ومرحتهمش وكننت داخل البلد وعايز اسافر افيدني بالله عليك
هتروح تغرم
ده نص المادة
عقوبة التخلف عن الاستدعاء للخدمة العسكرية
فيما نظمت المادة 52 من القانون عقوبات التخلّف عن الاستدعاء للخدمة العسكرية على النحو التالي:
يُعاقب بالحبس مدة لا تقل عن سنة وغرامة لا تقل عن مائتي جنيه، أو بإحدى هاتين العقوبتين، كل من يُستدَعى للخدمة في الاحتياط، ويتخلف دون عذر مقبول.
يعنى بالمعنى الصحيح احد العقوبتين و غالبا هتغرم و دفع فلوس
انا رايح اعمل بدل فاقد لشهادة الخدمه العسكريه قالي فى المدريه الأمن المنوفيه عندك استدعاء من 2018 لروح لمكتب التجنيد روحت المكتب للتجنيد قالى جالك استدعاء وتم التبليغ وطبعا انا معرفش حاجه عن للموضوع ده أعمل ايه
رد على (انا رايح اعمل بدل فاقد لشهادة الخدمه العسكريه قالي فى المدريه الأمن المنوفيه عندك استدعاء من 2018 لروح لمكتب التجنيد روحت المكتب للتجنيد قالى جالك استدعاء وتم التبليغ وطبعا انا معرفش حاجه عن للموضوع ده أعمل ايه)
بص يا غالى انت طبعا كنت رايح تعمل بدل فاقد و لقيت الموضوع ده .. تروح للعسكرى اللى عندك فى المدرية و تقولوا مين اللى مضى على الجواب بتاعى اذا كان شيخ البلد اللى انت فيها اعرف اسمه و روحلوا و اعرف منه ايه اللى حصل و لو مش وصلوا حاجة قولوا ادينى ورقة بالكلام ده اقدمها للمدرية و بكده انت فى نظر الجيش مستلمتش اما اذا استلم هو الجواب بدالك و مش بلغك تقدر تروح للمأمور بتاع المدرية و بلغوا بده و انك مش استلمتوا و اعمل عريضة بذلك و قدمها للجيش .
أنا خلصت جيش ٢٠٠٧ وجالى ٢استدعا آخرهم ف ٢٠١٢يعنى مخلص جيش من ١٣ سنه تقريباً وعاوز اسافرللعمره اعمل ايه
رد على (أنا خلصت جيش ٢٠٠٧ وجالى ٢استدعا آخرهم ف ٢٠١٢يعنى مخلص جيش من ١٣ سنه تقريباً وعاوز اسافرللعمره اعمل ايه)
شوف يا صاحبى انت جالك الاستدعا فى وقت انكمطلوب للاستدعاء و بكده انت ليك 13 سنة مخلص يعنى سقط عنك تأدية الجيش و لكن هتغرم علشان مش روحت الجيش
اعمل تصفية مع الجيش و كده كده انت مش مطلوب تانى ليهم
الغرامة حوالى 200 جنية ومتنساش فى عقوبة بس ان شاء الله خير هتسقط و المرجح انك هتغرم بس .. الخلاصة تروح تعمل مخالصة مع الجيش و تغرم مالى
و عمرة مقبولة ان شاء الله .
ملحوظة : السلطات السعودية منعت العمرة لاسباب تتعلق بمرض الكورونا
انا جالي استدعاء للجيش وكنت مسافر شغل على متن سفن تجارية ودخول وخروج عن طريق المواني مصرية واختام دخول وخروج على جواز البحري المصري اية المطلوب للشطب الاستدعاء
الرد على (انا جالي استدعاء للجيش وكنت مسافر شغل على متن سفن تجارية ودخول وخروج عن طريق المواني مصرية واختام دخول وخروج على جواز البحري المصري اية المطلوب للشطب الاستدعاء)
هتروح القاهرة فى العباسية وتجيب حاجة اسمها شهادات تحركات و يكون معاك جوازك
و بعدين ترجع بلدك و تروح قسم الشرطة اللى فيه المكان اللى عملت فى التعبئة بتاعت جيشك و بعدين تروح المديرية اللى فى محافظتك و تجيب رقم الاستدعاء و تاريخه ترجع تانى للقسم بتاع التعبئة اللى فى محافظتك هيديك شوية ورق تروح لشيخ البلد بتاعكم هو هيقولك روح لمين بالظبط و بعدين تصور بطاقة شيخ البلد وتخليه يوقع على الورق اللى ادهولك العسكرى و بعدين تجيب اى ولى امر ليك اخوك ابوك اى حد يمضيلك ويديك صورة بطاقته و ترجع للعسكرى تانى هياخد الورق و يقولك ارجع المديرية اختمهم و بعدين بعد الختم ترجعلوا تانى و بعدين يقولك امضيهم من مأمور المركز اللى هو فيه تمضيهم و ترجعلوا و يقولك صورهم نسختين انت نسخة وهو نسخة تاخد نسختك وطيران على مكتب التجنيد الاساسى سواء كان فى محافظتك اهو محافظة تانية و تروح بكل ورقك و جوازك و تقف طابور محترم كده وياخد ورقكويقولك انتظر ساعه اتنين تلاته على حسب و يقولكهينادى عليك يديك ورقة شطب تاخد الورقة و طيران على العسكري بتاع المركز بتاعك العسكرى اللى طلعت عينه معانا فى الحدوته دى وتديلو الورقة و تكون مصورها وواخد صورة لنفسك اصبر بعدها يومين او تلاتة هيتشال اسمكمن على السيستم و مبروك يا باشا :>)
انا جالى استدعاء اربع مرات اختلفت مرتين منهم ومازلت على قوة الاحتياط وعايز اطلع تصريح سفر هل لو مشيت فى الإجراءات ممكن اتحبس علشان التخلف مرتين
استاذى العزيز انت مخلص جيش من 99 وفى 2005 جالى فرصه سفر وروحت علشان اطلع تصريح سفر من مكتب التجنيد قالى العسكرى انت عندك طلب استدعاء من 2000 وانا مجاليش اى طلب بس متسجل عندهم انى متخلف عن الاستدعاء بس انا حاليا عايز اسافر واحنا فى 2021 اى موقفى الحالى ارجو الرد
اخي لا داعي للقلق، ما يمكنك فعله هو اثبات عدم مجئ اي استدعاء و ذلك عن طريق انكار شيخ البلد الخاص بك انك لم يأت لك مثل هذا الاستدعاء و ثانيا لا تقلق ان لم تستطع اثبات ذلك يمكنك دفع مخالفة عسكرية اسال عنها فى منطقة تجنيدك لا داعي للذهاب لمنطقة التجنيد يمكنك الاستعلام عن طريق الارقام الساخنة او رقم خدمة عملاء التجنيد بحلمية الزيتون او يمكنك دخول الموقع الرسمي للتجنيد و تقديم شكوي و استعلام بذلك فلا داعي للقلق ابدا.
https://tagned.mod.gov.eg/
ادخل ايقونة الاتصال و ستظهر جميع الارقام و الايميل الخاص بهم.
حضرتك انا دخلت استعلامت عن الاستعداء وقال لا مانع من استخراج تصريح السفر بعد تقديم المستندات المطلوبه كدا زي ما حضرتك بتقول هيكون فيه استدعاء تمام بعد كدا رحت المديرية اللي انا تابع لها استعلام عن الاستدعاء بعد مستعلم قال لي لا يوجد استدعاء ايه المشكلة في كدا
دفعت الغرامة كم لو سمحت عشان عندي تخلف استدعاء
اخي بناءً على كلام حضرتك أنه لا يوجد عليك استدعاء و أنك لابد من مراجعة القسم التابع له أقصد المركز التابع له مرة أخري المكتوب فى بطاقتك اللى قدمت فى اوراقك أول مرة و انت و رايح الجيش لو قالك معلكش اي استدعاء يبقي تمام
روح استخرج تصريح سفرك من المديرية التابع لها أو من القاهرة
انا مخلص جيش 2010 وجالي إستدعاء ومروحتش والدي اللي ماضى عليه وعوز اجيب الشهاده النائية ميعادها عدي اعمل ايه
طيب حضرتك كنت خارج البلاد وقت الاستدعاء لو كان كذلك يبقي عليك اثبات ذلك بالرجوع للمقال هذا (اقرأ المقال البى فوق كله ) و بعدين تقدر تستخرج الشهادة النهائية عادي .
اما لو كنت داخل البلاد فعليك التغريم و دفع غرامة و استخراج النهائية .
السلام عليكم اخي محمود .. مشكور جزيلا على كتابتك للبوست ده واللي فادني الحقيقة
ولكن تجربتي كانت اسهل كتير .. انا رحت عملت شهادة تحركات ورجعت ع طنطا بيها وصورة الباسبور والبطاقة وشهادة الجيش وعطاني ع طول الورقة النهائية لشطب التخلف .. اعتقد الأمور بقت اسهل حاليا
سؤالي .. انا مسافر بعد ٢٢ يوم هل اطلع التصريح دلوقت ولا استنى شوية ( بمعنى اصح التصريح مدته اد اي )
أولاً يا أخوي شكراً لمرورك الكريم
ثانياً مسألة الاجراءات قد تختلف من منطقة عسكرية لأخري و أنا منطقة تجنيد أسيوط و هذه بتبقى صعبة شوية
أما بخصوص التطور فهذا صحيح فالتطور كل يوم و حاليا اصبح استخراج شهادة التحركات من محافظتك دون الذهاب للعباسية بالقاهرة .
أما بخصوص سفرك فرينا يسعدك و تسافر على طول و بصحة و سلامة
اما بخصوص سؤال :
فمدة التصريح ١٥ يوماً .
شكراً جزيلاً .
لو سمحت اللى خلص فترة الإحتياط وطلع جواز سفر غير مطلوب للتجنيد ليه تصريح سفر ولا كدا خلاص بانتهاء فترة الإحتياط ملوش تصريح سفر
طالما اخدت الشهادة النهائية
يبقى كده خلاص مش مطلوب منك تصريح و لا غيره .
طيب لو سمحت اللي خلص مدة الاحتياط وكان عليه استدعاء بس مرحش بسبب انه كان مسافر هل يقدر يطلع جواز غير مطلوب للتجنيد بدون ميشطب الاستدعاء القديم ولو ينفع يقدر يسافر بيه يا ترى ولا لأ ولا لازم اجراءات الشطب يردو؟
أهلاً بك استاذ حازم
مبدائياً بخصوص جواز السفر فمش عندك اي مانع لاستخراجه حتى لو كان عندك استدعاء
علشان بالجواز اصلا انت بتعمل شهادة تحركات تثبت بها انها كنت خارج البلاد
كما يمكنك شطب اي عدد من الاستداعاءات مرة واحدة يعني مش لازم كل استدعاء بروحه
و لكن يمكنك شطب الاستداعاءات بسهولة
الامر الان اصبح اسهل من الاول بكتير.